ஏமாறாதே நடக்கும் தசை கண்டு ஏமாறாதே!

Astrologer, Sri Durga Devi upasakar, Krishnarau VG.

இன்று ஒரு ஜோதிடரிடம் சென்று ஜோதிடம் பார்க்கும்பொழுது அந்த ஜோதிடர், “ஐயா உனக்கு தனாதிபதி திசை, பாக்கியாதிபதி திசை” என்று சொன்னால் அதை கேட்டு ஆனந்தப்படக்கூடாது. அதாவது ஒருவர், தாம் வங்கியில் வேலை செய்வதாக சொன்னால் அவர் மனேஜரா, கேஷியரா, அக்கவுண்ட்டண்டா அல்லது இந்த மேஜைக்கும் அந்த மேஜைக்கும் ஃபைல் வைக்கும் ஆபிஸ் பாயா என்று கேட்க வேண்டும். அப்பொழுதுதான் அவர் பவர் நமக்கு தெரியும். அதைபோலவே 2-க்குரியவர் திசை, 9-க்குரியவர் திசை, லக்கினாதிபதி திசை என்று ஏமாந்து வியபாரமோ, முதலீடோ செய்தால், விழுவது படு பள்ளத்தில்தான்.

இப்பொழுது லக்கினாதிபதி திசை என்று வைத்துக்கொள்ளுங்கள். அந்த லக்கினாதிபதி யோகத்தை வாரி கொடுக்கும். ஆனால் அந்த லக்கினத்திற்கு அதிபதி, 8-12-க்குரியவர் அல்லது 7-க்குரியவரின் சாரம் பெற்றிருந்தால், காண்பது எல்லாம் கானல் நீர்தான்.

பொதுவாக ரிஷப லக்கினம், 2-5-க்குரிய திசை புதன் திசை. அந்த புதன் எங்கு அமர்ந்து இருந்தாலும், 7-12-க்குரிய செவ்வாயின் காலில் (சாரம்) அமர்ந்துவிட்டால் அண்ணன் (ஜாதகர்) படும் அவஸ்தைக்கு அளவே இல்லை.

7-ம் இடம் களத்திரம் குறிக்கும் இடம்தான். இருந்தாலும், அது கண்டஸ்தானம். 12-ம் இடம் கேட்கவே வேண்டாம். யாத்திரை, நித்திரை, தீராத பிரச்னை கொடுக்கும் சயனஸ்தானம். அந்த 12-க்குரிய செவ்வாய் சாரத்தில் புதன் திசை வந்துவிட்டால் நாய் பாடு, பேய் பாடுதான். இதில் ஒரு சந்தோஷம் என்னவென்றால், எப்படியோ அண்ணனுக்கு (ஜாதகரைதான் சொல்கிறேன்) திருமணம் ஆகிவிடும். காரணம், 7-ம் வீட்டு அதிபதி செவ்வாய் சாரம். அவர் திருமணத்தை நடத்திவிட்டார். இதில் என்ன வேடிக்கை என்றால், பட்டு புடவையை கடனாக கொடுத்துவிட்டு, முந்தானை பிடித்து திரிந்த கதை போல, ஜாதகன்படும் அவஸ்தை மட்டுமல்லாமல், பாவம்… அந்த ஜாதகனை நம்பி வந்தவளும் இவனோடு சேர்ந்து அலைய வேண்டும். ஆகவே ஜாதகத்தில் திசை பார்த்து ஏமாற வேண்டாம். எந்த திசையாக இருந்தாலும், சாராதிபதி 3,6,7,8,12-க்குரியவராக இருந்தால், ஜான் ஏறினால் முழம் சறுக்கும்.

ஆகவே, திசை எதுவாக இருந்தாலும் சாராதிபதி யோகதிபதியாக இருந்தால், உனது கையில் உள்ள மண்ணும் பொன்னாகும். வாழ்க வளமுடன்!.

மேலும் ஜோதிட கட்டுரைகள் படிக்கவும்…

மேலும் இராசி பலன்கள் படிக்கவும்…

மேலும் வாஸ்து கட்டுரைகள் படிக்கவும்…

மேலும் ஆன்மிக கட்டுரைகள் படிக்கவும்…

ஜோதிட ஆலோசனைக்கு இங்கே பார்க்கவும்…

Send your feedback to: editor@bhakthiplanet.com

For Astrology Consultation Mail to: bhakthiplanet@gmail.com

For Astrology Consultation Contact: Astrologer, Sri Durga Devi upasakar, Krishnarau VG. Phone Number: 98411 64648, Chennai, Tamilnadu, India

http://www.youtube.com/bhakthiplanet

https://www.youtube.com/niranjanachannel

http://www.facebook.com/bhakthiplanet