சிம்பு–நயன்தாரா ஜோடி காரணமாக ‘இது நம்ம ஆளு’ ஆகிறது படத்தின் பெயர்
சென்னை,
சிம்பு–நயன்தாரா ஜோடியாக நடிக்கும் படத்திற்கு ‘இது நம்ம ஆளு’ என்று பெயர் சூட்டப்போவதாக டைரக்டர் பாண்டிராஜ் கூறினார்.
6 வருடங்களுக்கு பின்…
6 வருட இடைவேளைக்கு பின், சிம்புவும், நயன்தாராவும், பாண்டிராஜ் டைரக்டு செய்யும் புதிய படத்தில் மீண்டும் ஜோடி சேர்ந்து இருக்கிறார்கள்.
முதல் நாள் படப்பிடிப்பில் இருவரும் சந்தித்துக்கொண்டபோது, ஒருவருக்கொருவர் சிரித்தபடி, ‘ஹாய்’ சொல்லிக்கொண்டார்கள். படப்பிடிப்பு இடைவேளை சமயங்களில் இரண்டு பேரும் நெருக்கமாக அமர்ந்தபடி, சிரித்து பேசிக்கொண்டார்கள். சிம்பு அடித்த ‘ஜோக்’கிற்கு நயன்தாரா விழுந்து விழுந்து சிரித்தார்.
இது நம்ம ஆளு
சிம்புவும், நயன்தாராவும் 6 வருடங்களுக்குபின் மீண்டும் ஜோடி சேர்ந்துள்ள படத்திற்கு அவர்களின் நெருக்கத்தை வெளிப்படுத்தும் விதமாக, ‘இது நம்ம ஆளு’ என்று பெயர் சூட்டப்பட்டிருக்கிறது. (இந்த தலைப்பில் பாக்யராஜ்–ஷோபனா நடிப்பில் ஏற்கனவே ஒரு படம் வெளிவந்து இருக்கிறது).
சிம்பு–நயன்தாரா நடிக்கும் படத்திற்கு ‘இது நம்ம ஆளு’ என்று பெயர் சூட்டப்பட்டு இருப்பது பற்றி டைரக்டர் பாண்டிராஜ் கூறியதாவது:–
‘‘இந்த படத்திற்கு நயன்தாராவை ஒப்பந்தம் செய்வதற்கு முன்பு, ‘கதவை திற காதல் வரட்டும்’, ‘லவ்வுனா லவ்வு அப்படி ஒரு லவ்வு’ ஆகிய இரண்டு பெயர்களில், ஒரு பெயரை சூட்டலாம் என்று முடிவு செய்து இருந்தோம். நயன்தாராவை ஒப்பந்தம் செய்தபின் படத்தின் தலைப்பு இன்னும் பொருந்துகிற மாதிரி இருந்தால் நன்றாக இருக்கும் என்று யோசித்தோம்.
நயன்தாராவை, சிம்பு ஒவ்வொருமுறை பார்க்கும்போதும், ‘இது நம்ம ஆளு’ என்று உணர்வதுபோல், படத்தில் காட்சிகள் வைக்கப்பட்டு உள்ளன. எனவே, ‘இது நம்ம ஆளு’ என்றே படத்திற்கு பெயர் சூட்டலாம் என முடிவு செய்துள்ளோம்’’.
இவ்வாறு டைரக்டர் பாண்டிராஜ் கூறினார்.
ஜோதிட கட்டுரை படிக்க கிளிக் செய்யவும்
வாஸ்து கட்டுரை படிக்க கிளிக் செய்யவும்
ஆன்மிக பரிகாரங்கள் படிக்க கிளிக் செய்யவும்
For Astrology Consultation Mail to: bhakthiplanet@gmail.com
http://www.youtube.com/bhakthiplanet
http://www.youtube.com/niranjanachannel
Posted by bhakthiplanet.com
on Jan 31 2014. Filed under Headlines, சினிமா, முதன்மை பக்கம்.
You can follow any responses to this entry through the RSS 2.0.
Both comments and pings are currently closed.
