‘ஹெலன்’ புயல் ஆந்திராவை நோக்கி நகர்ந்து வருகிறது.
சென்னை, நவ.21–
மத்திய வங்க கடலில் உருவான குறைந்த காற்றழுத்த தாழ்வு பகுதி நேற்று தீவிரம் அடைந்து புயலாக மாறியது. அந்த புயலுக்கு ‘ஹெலன்’ என்ற பெயர் சூட்டப்பட்டுள்ளது. இது ஆந்திராவை நோக்கி நகர்ந்து வருகிறது.
இன்று காலை நிலவரப்படி ‘ஹெலன்’ புயல் சென்னையில் இருந்து கிழக்கு வடகிழக்கே 450 கிலோ மீட்டர் தூரத்தில் உள்ளது. ஆந்திர மாநிலம் காவாலியில் இருந்து 420 கிலோ மீட்டர் தூரத்தில் இருக்கிறது.
‘ஹெலன்’ புயல் நாளை மதியம் ஆந்திர மாநிலம் நெல்லூருக்கும், மசூலிப் பட்டினத்துக்கும் இடையே ஓங்கோல் அருகே கரையை கடக்கிறது. அப்போது அங்கு 100 முதல் 120 கிலோ மீட்டர் வேகத்தில் பலத்த காற்று வீசலாம் என்று அறிவிக்கப்பட்டுள்ளது.
இந்த புயலால் தமிழ்நாட்டுக்கு அதிக பாதிப்பு இருக்காது என்றாலும் வட தமிழ்நாடு மற்றும் புதுச்சேரியில் பலத்த மழை பெய்யலாம். மணிக்கு 55 முதல் 75 கிலா மீட்டர் வேகத்தில் காற்று வீசும்.
நாளை கரையை கடக்கும் ‘ஹெலன்’ புயலால் ஆந்திர மாநிலம் நெல்லூர், பிரகாசம், குண்டூர் ஆகிய 4 மாவட்டங்கள் பாதிக்கப்பட வாய்ப்புள்ளது. எனவே இந்த மாவட்டங்களில் முன்எச்சரிக்கை நடவடிக்கை எடுக்கப்பட்டுள்ளது.
இந்த மாவட்டங்களில் பலத்த காற்றுடன் மிக பலத்த மழை பெய்யும் என்று வானிலை ஆய்வு மையம் எச்சரித்துள்ளது.
ஆந்திர கடலோர பகுதியில் வசிக்கும் பொதுமக்கள் பாதுகாப்பான இடங்களுக்கு அழைத்துச் செல்லப்படுகிறார்கள். தேசிய பேரிடர் மேலாண்மை மீட்பு படையினர் தயார் நிலையில் வைக்கப்பட்டுள்ளனர். வீட்டை விட்டு வெளியேறுபவர்களை தங்க வைப்பதற்காக 350 முகாம்கள் அமைக்கப்பட்டுள்ளன. ஆந்திரா தலைமை செயலகத்திலும் புயல் தாக்க வாய்ப்புள்ள 4 மாவட்டங்களிலும் 24 மணி நேரம் செயல்படும் கட்டுப்பாட்டு அறைகள் தொடங்கப்பட்டுள்ளன.
மீனவர்கள் கடலுக்கு மீன் பிடிக்கச் செல்ல வேண்டாம் என்று எச்சரிக்கப்பட்டுள்ளனர். மேலும் கடலோர பகுதியில் வசிக்கும் மக்கள் பலத்த மழை பெய்யும் போது வீட்டை விட்டு வெளியே வரவேண்டாம் என்றும் எச்சரிக்கப்பட்டுள்ளனர்.
இந்த புயலின் தாக்கம் ஒடிசா மாநிலத்தின் தென் மாவட்டங்களிலும் இருக்கலாம் என்று எதிர்பார்க்கப்படுகிறது. எனவே இந்த பகுதியிலும் பலத்த மழை பெய்யும். 40 முதல் 50 கிலோ மீட்டர் வேகத்தில் காற்று வீசலாம் என்று அறிவிக்கப்பட்டுள்ளது. இதன் காரணமாக ஒடிசா மாநிலத்தின் தென் மாவட்டங்களிலும் பாதுகாப்பு நடவடிக்கைகள் மேற்கொள்ளப்பட்டுள்ளன.
ஜோதிட கட்டுரை படிக்க கிளிக் செய்யவும்
வாஸ்து கட்டுரை படிக்க கிளிக் செய்யவும்
ஆன்மிக பரிகாரங்கள் படிக்க கிளிக் செய்யவும்
For Astrology Consultation Mail to: bhakthiplanet@gmail.com
http://www.youtube.com/bhakthiplanet
Posted by bhakthiplanet.com
on Nov 21 2013. Filed under Headlines, இந்தியா, செய்திகள், முதன்மை பக்கம்.
You can follow any responses to this entry through the RSS 2.0.
Both comments and pings are currently closed.
